ലാബ് -2017 ന് ജൂണ്‍ 19 ന് തുടക്കം -ടൈം ടേബിള്‍

ലബോറട്ടറികള്‍ ശാസ്ത്ര പഠനത്തിന് അത്യന്താപേക്ഷിതമാണ്. എന്നാല്‍ ഇന്ന് നമ്മുടെ ലബോറട്ടറികള്‍ വേണ്ടത്ര സാമഗ്രികളുടെ അഭാവത്താലോ ആവശ്യമില്ലാത്തവയുടെ ആധിക്യം കൊണ്ടോ ഫലപ്രദമായി ഉപയോഗിക്കാന്‍ കഴിയാത്തത് ആയിരിക്കുന്നു. പാഠപുസ്തകങ്ങള്‍ക്കനുസൃതമായിട്ടുള്ള ഉപകരണങ്ങളോ രാസ വസ്തുക്കളോ മറ്റു സാമഗ്രികളോ ഇല്ലാത്തുമൂലം പ്രവര്‍ത്തനാധിഷ്ഠിതമായ പഠനക്രമത്തെ പിന്തുടരാനാവാതെ അദ്ധ്യാപകര്‍ കുഴങ്ങുന്നു. കുട്ടികള്‍ക്ക് ഇതുമൂലം ആവശ്യമായ പഠനാനുഭവങ്ങള്‍ ലഭിക്കാതെ പോകുന്നു. ഇതിനൊരു പരിഹാരമെന്ന നിലയിലാണ് സബ് ജില്ലാ സയന്‍സ് ക്ലബ്ബ് അസോസിയേഷന്‍റെ ആഭിമുഖ്യത്തില്‍ സ്കൂള്‍ സയന്‍സ് ക്ലബ്ബുകളുടെ നേതൃത്വത്തില്‍ ലബോറട്ടറികളെ ശാക്തീകരിക്കുന്ന പരിപാടിയായ ലാബ് -2017 ആരംഭിക്കുന്നത്.  എസ്.എം.സി / പി.ടി.എ , പൂര്‍വ്വ വിദ്യാര്‍ത്ഥികള്‍ , അഭ്യുദയകാംക്ഷികള്‍ എന്നിവരുടെ സഹായത്തോടെ നമ്മുടെ ലാബുകളെ ശക്തിപ്പെടുത്തുകയും ലാബുകള്‍ക്ക് സാമൂഹ്യപങ്കാളിത്തത്തോടെ ആവശ്യമായ സാമഗ്രികള്‍ ലഭ്യമാക്കുകയുമാണ് ഇതിലൂടെ ലക്ഷ്യമാക്കുന്നത്. പാഠപുസ്തകങ്ങള്‍ക്കനുസൃതമായി ലാബുകളെ ക്രമീകരിക്കുകയെന്നതാണ് നാം ഇതിലൂടെ ലക്ഷ്യമിടുന്നത്.നിര്‍ദ്ദേശിച്ചിരിക്കുന്ന നിശ്ചിത സമയപരിധിക്കുള്ളില്‍ തന്നെ ഈ പ്രവര്‍ത്തനം പൂര്‍ത്തീകരിക്കപ്പെടേണ്ടതുണ്ട്. എങ്കില്‍ മാത്രമെ നാം ആഗ്രഹിക്കുന്നതരത്തിലേക്ക് ലബോറട്ടറികളെ രൂപപ്പെടുത്തിയെടുക്കാനാവുകയുള്ളു

തീയതി	പങ്കാളിത്തം	പ്രവര്‍ത്തന പരിപാടി
ജൂണ്‍ 19	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	ലാബ് ശുചീകരണം
ജൂണ്‍ 20	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	പഴകിയ രാസവസ്തുക്കള്‍ , ഉപയോഗശൂന്യമായ ഉപകരണങ്ങള്‍ എന്നിവ കണ്ടെത്തുകയും വേര്‍തിരിക്കുകയും ചെയ്യുന്നു
ജൂണ്‍ 21	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	ഉപയോഗയോഗ്യമായ ഉപകരണങ്ങള്‍ വൃത്തിയാക്കുന്നു
ജൂണ്‍ 22	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	രാസവസ്തുക്കളെ ലേബല്‍ ചെയ്യുകയും അവയേയും ഉപകരണങ്ങളേയും പ്രത്യേകം സ്ഥലങ്ങളില്‍ ക്രമീകരിക്കുകയും ചെയ്യുന്നു
ജൂണ്‍ 23	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	യു.പി,എച്ച്.എസ് ക്ലാസ്സുകളിലെ ശാസ്ത്ര പഠനവുമായി ബന്ധപ്പെട്ട ഉപകരണങ്ങള്‍ , രാസവസ്തുക്കള്‍ എന്നിവ ഉണ്ടോയെന്ന് പരിശോധിക്കുന്നു
ജൂണ്‍ 24	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	ശാസ്ത്ര പഠനവുമായി ബന്ധപ്പെട്ട് ലാബില്‍ ഇല്ലാത്ത വസ്തുക്കള്‍ , ഉപകരണങ്ങള്‍ എന്നിവ ലിസ്റ്റ് ചെയ്യുന്നു
ജൂണ്‍ 26	അദ്ധ്യാപകര്‍ സയന്‍സ് ക്ലബ്ബ് അംഗങ്ങള്‍	തയ്യാറാക്കിയ ലിസ്റ്റ് സ്കൂള്‍ സയന്‍സ് കോ- ഓര്‍ഡിനേറ്റര്‍ സ്കൂള്‍ മേലധികാരിയെ ഏല്‍പ്പിക്കുന്നു
ജൂണ്‍ 27	എല്ലാ അദ്ധ്യാപകരും	എസ്.ആര്‍.ജി വിളിച്ചുകൂട്ടി ഈ ലിസ്റ്റ് ചര്‍ച്ചചെയ്യുന്നു. സാമൂഹ്യ പങ്കാളിത്തം , എസ്.എം.സി /പി.ടി.എ , പൂര്‍വ്വ വിദ്യാര്‍ത്ഥികള്‍ എന്നിവരുടെ സഹായത്തോടെ പ്രശ്നപരിഹാരത്തിനുള്ള മാര്‍ഗ്ഗം ആരായുന്നു. കൂട്ടായ പ്രവര്‍ത്തനം ആസൂത്രണം ചെയ്യുന്നു